Þetta er byrjunaráfangi í íslensku táknmáli. Megináhersla er
að kynna ÍTM fyrir nemendum, málkerfi þess og ýmsa þætti sem einkenna samskipti
á táknmáli. Nemendur fá kennslu og þjálfun í fingrastöfun, farið er yfir
grunntáknforða og grunnatriði sem einkenna málkerfi ÍTM og einföld samskipti
æfð. Nemendur fá einnig innsýn í menningu og sögu ÍTM, málfræði þess og
samskiptaleiðir við daufblinda einstaklinga. Nemendur læra að kynna sig, spyrja
og svara einföldum spurningum, tjá einföld fyrirmæli, leiðrétta og staðfesta
skilning á fyrirmælum og staðsetja hluti út frá sjónarhóli viðmælanda. Þá læra
nemendur að segja hvað þá langar í og spyrja hvar og hvernig er hægt að nálgast
það. Samhliða táknforða er farið í ýmis málfræðiatriði sem eru mikilvæg til að
mynda málfræðilega réttar setningar og byggja upp máltilfinningu í ÍTM. Með
auknum táknforða eiga nemendur að geta myndað lengri setningar með réttum
setningafræðilegum látbrigðum.
Undanfari: Enginn
Námsmat: Símat. Ekkert lokapróf.
Annað: Áfanginn telst til sérgreina mála- og menningarbrautar.
- Teacher: Unnur Ósk Unnsteinsdóttir